Blackstar Silverline Special
Blackstar Silverline-ում տարբեր ուժեղացուցիչների հնչերանգներն ու ներկառուցված էֆեկտները հասանելի են ծանոթ կառավարման վահանակից։ Թվային ուժեղացուցիչներում այս մոտեցումը վաղուց կա, բայց քչերն են այն դարձրել այսքան պարզ ու հաճելի։ Լամպային հնչողությամբ, դասական կոմբոյի տեսքով ու կառավարմամբ Silverline Special-ով իսկապես հաճելի է նվագել։ Անկախ նրանից՝ ռևերբերացիայով նվագում եք «Hallelujah»-ի ակորդները, թե գեյնը բարձրացրած՝ «Unchained»-ի կտրուկ ռիֆերը, թվում է՝ իսկական լամպային ուժեղացուցիչի առջև եք։ Բացի շատ լայն գեյնի տիրույթից՝ Silverline Special-ն առաջարկում է վերջնական աստիճանի տարբեր լամպերի նմանակում՝ KT66-ից մինչև EL84, արտահայտիչ հավասարիչ և ISF, ընդհանուր Resonance ու Presence կարգավորումներ (հասանելի են Tap կոճակը սեղմած պահելիս), ինչպես նաև անալոգային սարքերով ներշնչված բազմաթիվ հագեցած էֆեկտներ։ Հզոր SHARC պրոցեսորն ու Blackstar-ի արտոնագրված TVP տեխնոլոգիան իրատեսորեն վերարտադրում են ուժեղացուցիչների վեց տարածված հնչերանգները։ Բարձրախոսի նմանակմամբ ստերեո ելքը, MP3 մուտքն ու USB միացումը կոմբոն հարմար են դարձնում համերգների, ձայնագրման, ռեամփինգի և նախադրվածքները պահպանելու կամ փոխանակելու համար։

Տեմբրի բնույթի սահուն կառավարում՝ Infinite Shape Feature (ISF)
Blackstar-ի արտոնագրված Infinite Shape Feature (ISF) կարգավորիչով Silverline Special-ը տալիս է լամպային հնչերանգների մեծ ընտրություն։ Այն մինչև վերջ ժամացույցի սլաքին հակառակ ուղղությամբ պտտելիս ընտրված ուժեղացուցիչի հնչողությունը ձեռք է բերում ամերիկյան բնույթ՝ ձիգ ցածր և նահանջած միջին հաճախականություններով։ Դեպի աջ պտտելիս ստացվում է ավելի ավանդական բրիտանական հնչողություն՝ շեշտված միջիններով։ Ներկառուցված հավասարիչի հետ ISF-ը թույլ է տալիս Silverline Special-ով ստանալ ամենատարբեր հնչերանգներ։




