Blackstar Sonnet 120 BL
Blackstar Sonnet 120-ի գլխավոր խնդիրը ակուստիկ կիթառի բնական ձայնն ուժեղացնելն է։ Այն պահպանում է գործիքի ողջ տեմբրը և բացահայտում ձեր նվագի նրբերանգները։ Այս բարձրակարգ ակուստիկ կոմբոն հատկապես ճշգրտորեն է փոխանցում հարվածային շեշտերը, հպումներով ստացված ֆլաժոլետներն ու նվագի այլ ոչ ավանդական հնարքները։ Մենակատարների համար նախատեսված են խոսափողի և գործիքի առանձին մուտքեր, ինչպես նաև գծային մուտք ու Bluetooth։ Տեմբրի ձևավորումը հեշտացնում են գործիքի համար հարմարեցված եռաշերտ էկվալայզերները, ակուստիկ ազդանշանի համար օպտիմալացված ցածր հաճախականությունների կտրող զտիչը և լսելի տեմբրին գրեթե չմիջամտող, բայց արդյունավետ հետադարձ կապի ճնշման համակարգը։ Չորս ներկառուցված ռևերբերացիաները կատարմանը հաղորդում են ստուդիական հղկվածություն։ Երկու էֆեկտային օղակները, USB և XLR DI ելքերը և կարգավորվող հետթեք հենակը լրացնում են հնարավորությունների շարքը։ Sonnet 120-ը հզոր, թեթև ու կոմպակտ պրոֆեսիոնալ կոմբո է։

Հարմար կարգավորիչներով հեշտ է գտնել ձեր տեմբրը
Blackstar Sonnet 120-ով հեշտ է գտնել ձեր տեմբրը։ Մեկնարկային կետը դրա թափանցիկ հնչողությունն է։ Ճշգրիտ ընտրված եռաշերտ էկվալայզերներով կարող եք արագ հարմարեցնել ուժեղացուցիչը ելույթի վայրին։ Shape կոճակներն ընտրում են հարթ հաճախականային բնութագրի և այն տարբերակի միջև, որտեղ միջին հաճախականությունները թուլացված են, իսկ ցածրերն ու բարձրերը՝ ընդգծված։ Հարմարեցված՝ ցածր հաճախականությունները կտրող զտիչն ընդգծում է գործիքի ակուստիկ ռեզոնանսը, իսկ Brilliance կարգավորիչով կարելի է պիեզոձայնահանի տեմբրին ավելացնել բարձր հաճախականությունների անհրաժեշտ փայլը։ Հետադարձ կապի արդյունավետ համակարգը ճնշում է անցանկալի սուլոցն առանց հնչողությունը նկատելի փոխելու։ Ներկառուցված Hall, Studio, Chamber և Plate ռևերբերացիաները թույլ են տալիս վերջնական շտրիխ հաղորդել կատարմանը։
Մենակատարների համար հարմար հնարավորությունների լայն ընտրություն
Մենակատարները կգնահատեն Sonnet 120-ի գործնական հնարավորությունները։ Երկու մուտքերին կարելի է միաժամանակ միացնել գործիքն ու խոսափողը, և յուրաքանչյուրն ունի իր կարգավորիչները։ Կոնդենսատորային խոսափողի համար նախատեսված է ներկառուցված +48 Վ ֆանտոմային սնուցում։ Ազդանշանի թուլացման և բևեռականության շրջման գործառույթները օգնում են ստանալ որակյալ ձայն տարբեր պայմաններում։ Ելքերով կարող եք ձայնագրել USB-ով և XLR DI-ով ազդանշան ուղարկել դահլիճի խառնիչ վահանակին։ Ներկառուցված Bluetooth-ով հեշտ է սմարթֆոնից միացնել նվագակցությունը, իսկ լարային միացման համար կա գծային մուտք։ Երկու էֆեկտային օղակներով հեշտ է միացնել ոտնակների վահանակը։ Ոտնային փոխարկիչով հնարավոր է կառավարել ռևերբերացիան և լռեցնել ուժեղացուցիչը։ Հարմար հետթեք հենակը լրացնում է Sonnet 120-ի հնարավորությունները։




