Cort G200DX Java Sunset
Հացենու իրան
Հացենին ամբողջական իրանով էլեկտրակիթառների ու բաս կիթառների ամենատարածված փայտատեսակներից է։ Թեթև լինելով հանդերձ՝ այն տալիս է զարմանալիորեն հզոր, հավաք և ընդգծված գրոհով տեմբր՝ շեշտելով վերին միջին հաճախականությունները։ Բաս կիթառահարներն այն գնահատում են արտահայտիչ հիմնական տոնի համար, որը միքսում հստակ լսելի է։ Հացենու բնական գեղեցկությունն ու բնորոշ նախշերն այն հարմար են դարձնում թափանցիկ և բնական հարդարանքների համար։
Թխկու մատնատախտակ
Շատ կիթառահարներ չեն էլ կռահում, թե մատնատախտակը որքան է ազդում գործիքի ընդհանուր հնչողության վրա։ Թխկին սիրված է ոչ միայն իր կոշտության ու կայունության, այլև ուժեղ, հստակ արտահայտված վերին միջին հաճախականությունների համար։ Այն հարթ ու սահուն է մատների տակ, իսկ բնական փայտի դասական նախշով ամբողջացնում է գործիքի տեսքը։
Կանադական կարծր թխկու կոթ
Կանադական կարծր թխկու կոթն ապահովում է ամրություն և կայունություն ու նպաստում խիտ, հուժկու տեմբրին՝ արտահայտիչ վերին միջին հաճախականություններով։
PowerSound ձայնահաններ
G200DX-ի Powersound համբաքերն ու երկու միակոճ ձայնահաններն ապահովում են դասական հնչողություններ, որոնք հարմար են վինտաժային ռոքի, բլյուզի, փոփի և քանթրիի համար։ Հնգադիր փոխարկիչն ու տեմբրի ընդհանուր կարգավորիչը ձեր ձեռքի տակ են դնում տեմբրերի լայն ընտրություն։



