Presonus Eris E5 XT
Հարթ ու ճշգրիտ հաճախականային արձագանքը, մեծ դինամիկ պաշարով հզոր ուժեղացումն ու միջավայրին համապատասխան ձայնը կարգավորելու հնարավորությունը Eris շարքի առաջին ստուդիական մոնիտորներին մեծ ճանաչում բերեցին հենց թողարկման պահից։ Eris E5 XT-ն այդ սիրված մոդելի էական թարմացումն է։ Ավելի խոր բասերը և նոր EBM ալիքատարի շնորհիվ ընդլայնված ու հստակ վերահսկվող օպտիմալ լսման գոտին էլ ավելի են բարելավել մեր ամենավաճառվող ստուդիական մոնիտորները։

Ստուդիական բարձրախոսներ՝ օպտիմալ լսման լայն գոտով
Eris XT ստուդիական մոնիտորների նոր EBM (Elliptical Boundary Modeled) ալիքատարը նախագծել է WorxAudio-ի Հյու Սարվիսը՝ մեր մրցանակակիր CDL բարձրախոսների և բարձր գնահատված R շարքի մոնիտորների ստեղծողը։ Այն բարելավում է բարձր հաճախականությունների վերարտադրումը և տալիս 100° հորիզոնական տարածման անկյուն։ Օպտիմալ լսման ընդարձակ գոտին հարմար է խմբով լսելու ու համատեղ աշխատելու համար։ Ուղղահայաց նեղ ուղղվածությունը նվազեցնում է սեղանից անդրադարձումները, իսկ մետաքսե գմբեթով թվիթերներն արագ ու ճշգրիտ են վերարտադրում կտրուկ ձայնային անցումները։
Էլ ավելի խոր բասեր
Ծանոթ հյուսված կոմպոզիտային թաղանթով ցածրահաճախական դինամիկն ապահովում է Eris-ին բնորոշ հավաք, հստակ ու հարվածային բաս՝ առանց լղոզվածության։ Eris E5 XT ստուդիական մոնիտորի ավելի մեծ ֆազաինվերտորային կորպուսը թույլ է տալիս առանց սուբվուֆերի հասնել 48 Հց-ի։ Համեմատության համար՝ նախորդ Eris E5-ի տեխնիկական բնութագրում ստորին սահմանը 53 Հց է։



